Murtida HiilDanYare
………………………………………………………………….
Dalsan Boorama
Deeqa Waxay La Midab Tahay, Dalsaneey Booramoo Daruuruhu Hadheeyeen
Abdiqani Ateyeh — London, UK — 10 May, 2007
Abwaan waliba Darajadii
Fannaan waliba Dookhii
Sheekh waliba Duruustii
Dulqaad iyo Xaaji Daacaddii
Duq waliba Garaadkii
Ardayna Dadaalkiis
Doc ka tuurna yeelkii
Xasadna waa Dunjigiise
Dareenkiisa nin waliba
Darandoorri Murtidoo
Dumar tuu ka calmaday
U Dalaandal Gabayoo
Dalabaadka heesihiyo
Muusig wada Dananaayiyo
Durbaankaba u garaacye
Anna midda ii Daranee
Dareenwadaha jidhkiyo
Dulkiyo raacday Aragtida
Halbawlahana Darartee
Dig ka siisay wadnihiyo
Dacaladayda Beerkee
Dubaaxinaysa Laabtiyo
Dubkiyo Jiidhkaygaba
Daymo Aragtideediyo
Dul ahaan quruxdeeda
Doodyar an ka sheegee
Dadyahow iga Maqla Sahra
Dabuub an ku Ammaanay.
Diihaal iyo waa adigoo
Daranyiyo qaba oonoo
Dalandool ku Raagoo
Diiqiyo Naftaaduna
Dalanbaabiba kugu tahoo
Diciifnimana la liita
Diidaayana Gaajo
Itaalna dhigay daraygaa
Sida Danab kuu cirtyo
Roob kuu Darroorayoo
Haraadkii ku Dooxiyo
Kaa Diniq tiray baahida
Daalkii kugu badnaa iyo
Diiftii kaaba Reebaye
Damacse lama hadloo
Deelqaaf looma Doodoo
Laguma Darana beeniyo
Dafiraad iyo is Diidsiine
Adigoon waranyo Darraan
Dardarina maansada
Duxdaa loo Daadagaayoo
Runta Lagu Dabbaqaaye
Yartan aniga ii Deeqday
Muuqeedu waa Dahab
Duni kale lagu Aragoo
Malaha Degaanka Awdaliyo
Ku Dahsoon Libaaxlay
Iyo Dararka Gargooray
Dixda Quruxiyo Ceelbaxay
Durduradii Khadar iyo Ilayaasiyo
Halka lagu Duugay sh Xuseene
Waxba Duryanka yaan wadin
Dayaanku ila fogaanine
Dabaal joojina naxwahoo
Kuba sii Daalin Ararta’e
Waxan kusoo Daday heestii
Dam ku yahay Hadalkuna
Deeqi waxay la midab tahay
DALSANEEY BOORAMOO
Daruuruhu Hadheeyeenoo
Ku Da’aayo Mahiigaan
Dareemadiyo Cawskiyo
Durba Doogiyo Ubaxuna
Daafyaha is galiyeenoo
Dallaalimaysay Milicduye
…………………………………………….
I Daayaay Boon I Deeqdaye
Heesta i Daayaay, Boon i Deeqdaye
Baydka Koowaad
Barbaartii An la koray iyo
Bahdaydiibaa ku nooloo
Kama baaqani karaaye
Habeenkii waan u balweeyaa
Hurdada waan uga boodaa
Markaan soo baraarugana
Billaahi waan u booyaaye
Bulshayahay i daayaay
Bal i daayaay ,
Bal i daayay, i daayaay
Boon i deeqdaye
Baydka Labaad
Baraar iyo ruuxii caqliga
Bahaayinka la siiyaa
Billadahooda garanine
Bullaalle Booramiyo
Khadiijadii Balwiyo
Bisadeeye waa dadkaygoo
Billaahi waan Boqraayee
Bulshayahay i daayaay
Bal i daayaay
Bal i daayaay, i daayaay
Boon i deeqdaye
…………………………………………………….
HEESTII SOO SOCO INAABTAAY…….!!
Midhihii: Abdiqani Ateyeh — London UK — 30 April, 2007
Baydka Koowaad
Saylaamaha sida Geenyiyo
Suniyaasha Xaradhka leh
Dhexdeeda Soohaniyo
Sanqaroorka Toosan
Suuradeedu waa sida
Siraad nuuray awdale
Suleekhiyo haddii
Laygu Sasabo Balqiisa
Sahroo kale la waa
Midaan Siisan lahaaye
Soo soco inaabtaay
Sahal haygu dhaafine.
Baydka Labaad
Sibrihiyo sinaha gabi
Sarartiyo gaadada
Markay saarto maradeey
Soo xidhato dhacliyo boqor
Sifaheedu waa sida
Qorrax Subax iftiintaye
Sad haddii layga dhigo
Hablo kaloo Subkan
Sahroo kale la waa
Midaan Siisan lahaaye
Soo soco Inaabtaay
Sahal haygu dhaafine
Baydka Saddexaad
Markay Socodka Laafyaha
Kolba Sin u dhaqaaqdeey
Subcisana Tallaabada
Siigadaba ma daartee
Saymaheedu waa sida
Salamaldhiyo Haldhaaye
Sareedaha adduunyo
Haddii sad layga dhigo
Sahroo kale la waa
Midaan Siisan lahaaye
Soo soco Inaabtaay
Sahal haygu dhaafine
Baydka Afraad
Seerihii Gargoorrayiyo
Sigibtii Libaaxley
Sac-waraabisiyo Abbasooy
Seermawaydo ku curatay
Iyaduna waa sidaasi
Saxansaxo Udgoone
Saaciidiyo Haddii
Laygu Sooro Barwaaqo
Sahroo kale la waa
Midaan Siisan Lahaaye
Soo soco Inaabtaay
Sahal haygu Dhaafine
…………………………………………………………….
Awdal Yay Ku Ooydaa, Ayayse Ka Ooydaa.?
Heestii: Awdal Yay Ku Ooydaa, Ayayse Ka Ooydaa.
Midhihii iyo Laxankii, Abdiqani Ateyeh -24 Feb 2006 London
Baydka Koowaad
Ambadeey Hashaydii
Ashkir Baallaheediyo
Agamsaaliyo Awaariyo
Abbase ma daaqdoo
Afka baad ma galisoo
Ololkana ma daysee
Oon baana ka sii dila
Onkodkoo Hillaaciyo
Roobkoo Aguugoo
Guulaamadu Aroor hore
Ardaayada ku hoortoo
Ilo dhigtay xareeddiiye
Aaddo iyo Huunnooy
Amarkaniyo Yaabkani
Bal Ammuurtan eegoo
Awdal yay ku Ooydaa
Ayayse ka Ooydaa
Baydka Labaad
Arliyaay hadoodila
Arrin kuma haagaagoo
Irdho laguma baantoo
Iinna kuma bogsooto’e
Ubucdaa loo dagaayoo
Millil lagu aslaaye
Oogadaa Dareensanoo
Indhuhu way Arkaane
Irbadse looma waayin
Aramidani daweysee
Eeddi yay ku raaciniyo
Aamusbaa dabiib dilay
Aaddo iyo Huunnooy
Ammarkan iyo Yaabkani
Bal Ammuurtan Eegoo
Awdal yay ku Ooydaa
Ayayse ka Ooydaa
Baydka Saddexaad
Aar soo qoyay ayaamaa
Aqli nimaan lahayna
Ula Eekaada Dacowoo
Illeyn garaadkiisu siiyaa
Aayar uun ku dhaafoo
Iska Agmaroo illaawee
Aroorbuuu abraarada
Ooda soo Jabiyaayoo
kaga abaadiyaa intii
Inuu jiro Hilmaantaye
Adhiga daa waraaboow
iskuma ogid orade
Aaddo iyo Huunooy
Amarkaniyo yaabkani
Bal Ammuurtoon eegoo
Awdal yay ku ooydaa
Ayayse ka Ooydaa
__________________________________________________________________________________________________________________________
ALLA YAA BOORAMAAY ( 04 January 2006 -Ateye )
Booramaay Habeeyaay
Booramaay Hibeeyaay
Booramaay Hadeeyaay
Booramaay Hanuunshaay
Booramaay Hogaanshaay
………………………………………
Hooygii Barbaartaay
Baaruuddii Aqoontaay
Barashada Cilmigaay
Beeshii is Raacaay
Bildhaantii Ilabaxaay
Bishaariyo Bilkhayreey
Buul Nabadi taalaay
Bulsho Caafimeedeey
Baarka Soomaaliyeedeey
Baad iyo Xareedeey
Bilic iyo Ugbaadeey
Bogaadin iyo Ammaan
Beyd Qoraala iga Hoo
Naftu Waa Bahaayinoo
Beernugaylka ma daysoo
Berisammaad Xusuustiyo
Waxay baafiysaa wali
Badhaadhihiiyo Raaxada
Barwaaqadii Dhexdaadooy
Way Basaaseen dhaayuhu
Bedenkayguna lahashada
Baryahan wuu la liitaayoo
Baahidaada Awgeed
Bestii waan u jiifaayoon
Bustahaan hillaabtaye
Bogsiiyaanad ii tahaye
Booramaay ogsoonoow
Alla Yaa Booramaay
Barqadii markay tahay
Biniin tahay milicduna
Neecawduna Buseesho
Beeraha agtaadeey
Bartiikhiyo Cinabkiyo
Babaaygu ku yaalaaneey
Baalaleyda Duushiyo
Shimbiruhu ka Buubaaniyo
Togagaa Burqanaayiyo
Dhirta Baaxadda weyn
Balliyadaa waraabsha
Booqasho ku haybasadoo
Qosol Beerka ka yimidna
Ku Bayaansha Heesaha
Alla Yaa Booramaay
Bilcan aad u qurxoonoo
Balqiisa Muuqeedii iyo
Sidii Bureeqo la moodo
Baashii Axmed Gurayiyo
Barbaradii Sheekh Cali iyo
Bannaanka laanta hawada
Ku aroosta Bayd wacanoo
Boqorkiiyi dhaclihii iyo
Badlad dhaqana u xidhoo
Hidaheenii Billaa iyo
Booda ciyaar saylicigiiyoo
Barakada Salawaadkana
Bayaan kor ugu qaada
Alla yaa Booramaay
Kaa Boqoolin waligaayoo
Badhtankaaga joogoo
Baydhna kaaga leexanoo
Birmadkaaga dayninoo
Burjigaaga Adkeeyoo
Buruudkaaga Ilaashoo
Balaayo kaa xijaaboo
Sharaftaada Baxnaanshoo
Kolba Waagii Bariistaba
Barinaye ma Bariday
Booramaay ku yidhaahdoo
Salaan Boqor ku siiyoo
Burcad kuugu dhaashoo
Ubax baalba Cayna
Ku beera dhexdaadoo
Barbaar kugu Daadaheeya
Barbaar kugu Daadaheeya
Barbaar kugu Daadaheeya
………………………………………………………………………………………………..
BAL EEGOO U FIIRSADAAY – 31 Jan 08
Waa Adduunyo Fidmoowdoo
Masiibooyinka Faafiyo
Ku Fidayaan aafooyinkoo
Intii Fiicnaydee wali
Faxshigeeda an galinna
Faasku uu ku dhacaayo
Kuwa Faaqayee kibree
Fuuray baase la leeyahay
Feejignaan ku qaatoo
Ficilkiinna Wanaajiya
Fidiya Gargaarkana
Fahmoo hadii kalana
Fallaar culusbaa iman
oo Daarahani Foociyo
Fooqaqa ad ku jirtiiniyo
Fatuurad celin karaynine
Bal Eegoo, U Fiirsadaay
HiilDanYare 31 Jan 2008
…………………………………………………………………………..
Falanqayn: Comments