Madaxweyne Siilaanyo Oo Bahda Hal-abuurka Iyo Shacabka Reer Somaliland Ka Tacsiyadeeyey Geeridii Ku Timid Abwaan GaariyeDhambaalka tacsida ah ee Madaxweynuhu diray geeriday Naxdinta leh ee ku tilmi Maraxuum Abwaan Gaariye…..Madaxweynaha Somaliland Axmed Maxamed Maxamuud (Siilaanyo) ayaa tacsi u diray qoyskii , qaraabadii iyo Shacabka reer Somaliland ee uu ka baxay Abwaankii weynaa ee Maxamed Xaashi Dhamac (Gaariye) oo xalay ku geeriyooday Caasimadda Dalka Norwey ee Oslo.
Dhambaalka tacsida ah ee Madaxweynuhu diray geeriday Naxdinta leh ee ku tilmi Maraxuum Abwaan Gaariye, ayaa u dhignayd sidan:- Dhambaalka Tacsida Madaxwaynuhu u diray shacabka Somaliland ayaa u dhignaa sidan “Madaxweynaha JSL, Mudane: Axmed Maxamed Maxamuud (Siilaanyo) waxa uu tacsi tiiraanyo leh u dirayaa Aqoon-yahanada Somaliland, Bahda Tacliinta, Bahda Hal-abuurka Fanka iyo Suugaanta, Bulshada Reer Somaliland, Qoyskii, Eheladii, Qaraabadii iyo Asxaabtii uu ka baxay MARXUUM, MAXAMED XAASHI DHAMAC (GAARIYE) oo Xalay ku geeriyooday Cusbitalku-yaal Magaalada Oslo ee Wadanka Norway oo marxuumku beryahaaba u jiifay Xaalad Caafimaad.
ALLE ha u naxariistee MARXUUM, MAXAMED XAASHI DHAMAC (GAARIYE) waxa uu ka mid ahaa hal-doorkii hormuudka u ahaa xoraynta dalka iyo baraarujinta ummaddeena, waxa uu ka mid ahaa aqoon yahanadii Qoraalka Afka-somaliga salka u dhigay, ALLE ha u naxariistee MARXUUM, MAXAMED XAASHI DHAMAC (GAARIYE) waxa uu ahaa aqoon yahan hal-abuur ah karti leh aragti horumarsana leh, waxa kale oo uu kaalin mugleh ka soo qaatay dhismaha nabadgelyada, dawladnimada, dimu-quraadiyada Somaliland. MARXMUUKU, waxa uu ahaa halyey qaran oo taariikh ku leh Ummadda Somaliland, qayb libaaxna ka soo qaatay halgankii loo soo galay dib ula soo noqoshadii Somaliland ee ay ku timid in uu dalkani noqdo qaran madaxbanaan.
Madaxwaynuhu waxa uu Marxuumka ILLAAHAY uga baryayaa inuu naxariistii Janno ka waraabiyo, Aqoon-yahanada Somaliland, Bahda Tacliinta, Bahda weynta Hal-abuurka Fanka iyo Suugaanta, Bulshada Reer Somaliland, Qoyskii, Eheladii, Qaraabadii iyo Asxaabtii uu ka baxayna Samir iyo iimaan uu ka siiyo
AAMIIN …………………AAMIIN ….…………. AAMIIN IN-NAA LILLAAHI WA IN-NAA ILAYHI RAAJICUUN Axmed Saleebaan Maxamed (Dhuxul) Af-hayeenka Madaxtooyada JSL.
Categories: Tacsi(Condolences), Warka (News)
Related Articles
-
Gobolka Awdal Iyo Geesiga Axmad-Guray: Haybad Waxad Ku Leedahay Dalkaaga Hooyo
-
Gabilay Oo Fardo Kusoo Galbisay Geesi Samatar
-
Professor Samatar Oo Dhunkuday Ciidiisa Hooyo: Haybad Waxad Ku Leedahay Dhulkaaga Hooyo
-
Gobsanaa Haweenkayagu…!
-
Daawo Xaflad Baroor Diiq Ah Oo Jaaliyadda Soomaaliyeed Ee London UK, U sameeyeen Dr Cumar Cusmaan Raabe(AUN).
-
Anba Waan Jeclaa Inaan Soo Dhakhsadee, Walaweyntiibaa Jidka Igu Xayiray: Welcome Dr Samatar To Your Fatherland Of Somaliland..!
Allaha u naxariisto Abwaan Professor Gaarriye, ehelkiisa iyo qaraabadiisa iyo qooyskiisana Allaha ka siiyo samir iyo Iimaan. Inaa LIlaah wa Inaa Ileyhi Raajicuun.
Ilaahay ha u naxariisto marxuumka.
nnaa lilaah wa innaa ilayhi raajicuun.
Marxuum abwaan professor Maxamed Xaashi Dhamac (Gaariye) waxaan Eebbe uga beryayaa inuu marxuumka u naxariistu, Janatul Fardawsana ugu deeqo. Qoyskiisii, qaraabadiisii, quruumaha Soomali oo dhan, qaranka Somaliland, bahda hal-abuurka iyo suugaanta inta quruurixisa, iyo inta qar jafsataba iyo bahda qailn maalka intaba samir iyo iimaan ka siiyo. Innagana maalintay teennii noqoto inooga daba naxariisto. Aamiin.
Innaa lilaah wa innaa ilahay raajicuun.
Wuxu yidhi saaxiibkii:
“Dhamme Maxamed Xaashow
Ina Xaashi Dhamacow
Dhaadmada dareenkiyo
Dhacdada iyo waayaha
Ninka ila dhadhamiyow
Jiilaalku dheeraa
Dhulka xaabki ka idlaa
Dhalma deys cirkii noqoy
Dabka dherigii saarraa
Dhagxantii bislayn waa
Inkastoo dhir xoogliyo
Dhamac yaab leh lagu shiday
Ma dhadhaab nuglaadoo
Sida dhaylo suulkiyo
Lagu goosto dhooshoo
Hilib laga dhishaa jira.”
Ilaahay naxariistii jano haka waraabiyo Abwaanka, Barbaariyaha, Macalinka iyo indheer garadkii waynaa ee Maxamed Xaashi Dhamac Gaariye..
Aduunkan dadkii nafta lahaa way ka sii dhamaanayaan laakiin
“Miyuu geesi hoydaa
garashadu wed leedahay”
Nin ba wax baa lagu xasuustaa balse inkasta oonan abwaankaa aqoon gaara u lahayn hadana waxan dareemay oo kaliya inuu ahaa shaqsi xigmadii iyo aqoontii ilaah ku manaystay si hagar la aan ah intuu aboodi karayey jilka soo koraya u deeqsiiyey. Ilaah naxariistii jano ha geeyo wuxuuna ahaa nin qaali ah oo qayb ka mida wax barashada somaliland u agoomoobi doonto.
Inaa Lilaah wa inaa Ilayhi Raajucuun.
Ilaahay ha naxariisto Abwaan Gaariye.
Wuxu Abwaan ka baxay Bahda Afka Somaliga.
Sabir iyo Iibaan Ilaahay haka siiyo ehelkii iyo qaraabadii uu ka baxay Abwaan Gaariye.
Allaylehe Qab baa dhacay.
Allaylahee qar baa dumay.
Tani waa af kala qaade.
Allaha u naxariisto marxuum Gaariye samir iyo iimaana allaha kasiiyo qoyskii iyo qaraabadiisii ka hadhay iyo bulshada Somaliyeed ba aad baan uga xumahay ninkan waxuu ahaa suugaan yahan lahaa aqoon xeel dheer iyo falsafad guud.
Gabayadiisii hadaan wax ka xasuusto waxaa ka mid ahaa anoo kasoo qaadanaya dhawr xaraf gabaykasta oo lahaa.
Abkuu Doono ha sheegto’e.
Waxuun baa Ehel ii ah .
Dad ninkaan af aqaanee.
Si wax iila arkaayee.
Ujeedo ayna midayso.
Gabay kale waxaa ku jirtay oo ka mid ahaa.
Nin Dawee la leeyahay.
Xalka doon la leeyahay.
Dambi uu badh leeyahay.
Isagay u darantoo .
Inuu daaro ma ogola.
Gabay kaluu marxuumku lahaa waxaa ka mid ahaa gabaygan dheer oo uu ka hor akhriyay bulshada rer Somaliland gaar ahaan Isaaqa oo ku jiray colaadii habar habarta waxaana la yidhaa Bulshahay Garaad laay. Waxay ahayd waqti dagaal sokeeye oo xuni ka dhex dhacay.
Bulshayahay garaadlaay
Golxobkiyo billaawaha
Haddaan gacanta lagu hayn
Wuxuu maanku goyn karo
Haddaan geeshku ololayn
Ma xilkeed gabaad tahay?
Bulshayahay garaadlaay
Garashada saboolka ah
Haddaan beelo lagu gubin
Haddaan gabanno lagu qalin
Haddaan magacyo loo go’in
Dheecaanku go’bolayn
Ama galawgu dhiiloon
Dulmi la isku garabsiin
La isu nicin gantaalaha
Gurmad kaagu reer noqon
Ma lagaa goblamayaa?
Haddaan goobta dhimashada
Curadada la wada geyn
Haddaan geesi lagu jabo
Goolaaftan lagu dilin
Gacal kala irdhoobiyo
Laba geeriyood dhicin
Waanwaani guurayn
Noloshuba ma gaw baa?
*******************
Intee baynu balaayo
Iyo baase u joognay
Intee baa baqtigeenna
Bahal uu guranaayey
Taladeenna baroon iyo
Intee boobe hagaayey
Waa sidee badankeenu
Waa beergooyiyo ciile
Hadhaageenna badbaadshoo
Halla baajiyo dhiigga!
Isu baankii horeeto
Inta baashe ku mootan
Boqolaal ku nafwaayey
Ee bahdoodii tebayso
Ee halkoodii bannaantay
Een la buuxin karaynin
Waa bayaan la hubaaye
Waa bayaan la hubaaye
Waa beer-gooyiyo ciile
Hadhaageenna badbaadshoo
Halla baajiyo dhiigga.
Intii baar-cadde wiil ah
Lagu gooyey billaawe
Intii baarri la toogtay
Bilcan weyday ninkeedii
Baroortii shalaytoole
Baasii weynu ogeyne
In ba’ay kale yeedho
Waa beer-gooyo iyo ciile
Hadhaaggeenna badbaadshoo
Halla baajiyo dhiigga.
Inakoon ka bogsoonin
Baylahdeennii horeeto
Inakoon weli baanan
Boogihii doqoniimo
In belaayo kaleeto
La baaqbaaqo haddeerto
Oo dadka buun lagu yeedhsho
Waa beer-gooyiyo ciile
Hadhaageenna badbaadshoo
Halla baajiyo dhiigga.
Baaruud daa ololaysiyo
Bunduq wiil dhaliwaaye
Ba ba’naan iyo xoogna
Bogsiin waaye dhibaatoo
Horaa loogu bog-dooxmee
Baajintaa ka wanaagsan
Colaad baaniseheede
Waa beer-gooyiyo ciile
Hadhaageenna badbaadhshoo
Halla baajiyo dhiigga.
Birta la iska aslaayo
Boqnaha la iska jaraayo
Inta biixi jabaysa
Inta maal burburaysa
Beled taagan dumaaya
Naf Illaahay baxaysa
Rabbigeen ma banayne
Waa beer-gooyiyo ciile
Hadhaageenna badbaadshoo
Halla baajiyo dhiigga
Inakoo isku beer ah
Boggeenii isku yaallo
Boqorkiina rumaysan
Haddii aan is birayno
Baguugaa iska yeelno
Beritaan cadawgeenna
La iska baacin karayne
Waa beer-gooyiyo ciile
Hadhaageenna badbaadsho
Halla baajiyo dhiigga
Cabdoow beel negi joogtaa
Kala soocata baadiyoo
Waxa baad wada quuta
Dad badbaado dhex taalloo
Waxa barwaaqo ku taama
Baradii samo yaalle
In loo baaqo xumaanto
Waa beer-gooyiyo ciile
Hadhaageenna badbaadshoo
Halla baajiyo dhiigga
Bulshayey dhammidaaba
Waa bayaan nabadeede
Waa dareen birmadkiiye
Illaahay ballankiisa
Illaahay baqdintiisa
Illaahay baryadiisa
Ku baqtiiya colaadda
Waa beer-gooyiyo ciile
Hadhaaggeenna badbaadshoo
Halla baajiyo dhiigga.
Ilaahey ha u naxariisto Nin cajiiba oo af Somali Poets,Stories,Proverbs,Heroism,intaba hibo loo siiyey buu ahaa.A Dark Night For Somaliland and Somalia Literature.
Waxaa lagu xasuusan doonaa dhinaca reer Awdal oo ka mid ahaa suugaantiisii marxuumka.
Ayaan baa iman doonta
Dadkaa Sool iyo Awdal
Eed Aadanoow Xaqirteen
Lagu raadsho ilays
Oo Idaylkoodba la waayo.
Allaha u naxariisto Abwaan Prof Maxamed Xashi Dhamac (Gaariye)
INAA LILAAHI WA INAA ILAYHI RAAJICUUN
Allaha u naxariisto abwaankii, macalinkii weynaa Maxamed Xashi Gaariye. Samir iyo immana Allaha ka siiyo gaar ahaan qaraabadiisii iyo guud ahaanba umadda Soomaaliyeed oo tabi doonta kaalintii uu Gaariye ku lahaa Af-ka soomaaliga.