Arintan ayaa sida lanoo xaqiijiyay ay hawsheeda ku koobnayd laba nin oo wakhtigaa ka tirsanaa Ururka Al-shabaab  Haybtooduna ay  tahay Bahabar-celi oo mid kamid muddo dhawayd ciidamada booliska ee Borama ay ka qabteen gudaha magaalada oo hadda ku xidhan xabsiga dhexe ee Borama magaciisana la yidhaahdo Daahir Axmed Cawaale ,halka ninka kale ee magaciisu yahay Maxamed Xaashi Dharaar oo falkaas kula jiray aan illaa hadda lahayn .

Anigoo ah cismaan  warsame  Xijaab ahna Taliye ku xigeenka qaybta Booliiska ee G/Awdal waxaan warbaahinta kusoo bandhigayaa Tabasho la xidhiidha Cadaalad Daradda aan kala kulmay xukuumadda maanta talada Haysa ee aan xilka qaran u hayo taasoo gudashada waajibaadkayga shaqo ee la ii igmaday saamaynteedii ay I dhaxalsiisay illaa heer aan ku waayo wiilkaygii curad Mukhtaar Cismaan Warsame Xijaab .

Oo isaga laftiisu askari ahaa,kadib muddo hadda laga joogo 4sanno xilagaas oo aan ahaa Taliyaha Qaybta booliska  ee Gobolka Awdal ,taasoo ilasoo daristay mar aan 29/03/2008 hawlgal ku tagay anigoo ah taliyahah Qaybta iyo koox booliis ah oo igu wehelisay hawlgalkan kadib markii aan xog ka helnay dadka kunool deegaanka Awr-gaba oo ku taal buurta libaaxlay dhinaca woqoyina kaga began degmada Boon. Hadaba anagoo ka duulayna xogta nasoo gaadhay oo ahayd mid ku saabsan falal argagaxiso ,waxaan baadhis kadin ka helnay goobtaas godad lagu kaydin jiray ,isla markaana lagu habeeyo miinooyinka iyo walxaha qarxa balse wakhtigaa ka hor laga raray shixnad miinooyin ah taasoo raadadkeedii ay ka muuqato halkaasi Qolofta miinada iyo  walxaha qarxa qaarkood  ,meeshasoo ahayd sida aan warka ku hayno xarun ay argagixisadu u isticmaasho diyaarinta iyo isku duba ridka miinooyinka iyo walxaha qarxa . Kuwaas oo qaarkood aan filayo in loo adeegsaday qarax-yadii ka dhici jiray kooxda ayaa sida dadka deegaanku ku war bixiyeen in waxyaabahan ay kala soo degi jireer deegaan Bulla-caddo oo kamid ah degmada lughay.

Arintan ayaa sida lanoo xaqiijiyay ay hawsheeda ku koobnayd laba nin oo wakhtigaa ka tirsanaa Ururka Al-shabaab  Haybtooduna ay  tahay Bahabar-celi oo mid kamid muddo dhawayd ciidamada booliska ee Borama ay ka qabteen gudaha magaalada oo hadda ku xidhan xabsiga dhexe ee Borama magaciisana la yidhaahdo Daahir Axmed Cawaale ,halka ninka kale ee magaciisu yahay maxamed Xaashi Dharaar oo falkaas kula jiray aan illaa hadda lahayn .

kadib maalintaas ayaa isla galinkii dambe waxaan kusoo guryo hoyanay isla magaalada Borama taasoo keentay in isla habeen badhkii la dilay wiilkayga Allaha u naxriistee Mukhtaar Cismaan Warsame . Inkasoo falka loo qabqabtay saddex dhlinyaro ah kuwaasoo maxkamadaha saddex-darajo ee dalku ay xukun dil ah ku rideen sida ay dhigayso shareecada islaamku ,hase ahaatee illaa hadda aan la fulin balse fulintu xeer ilaaliyah guud ee maxkamadda sare u gudbiyay madax-waynah S/land taasoo fulintiisa laga rabay inuu talaabo ka qaado sidii dhagarqabayaasha loo qisaasi lahaa.

Balse illaa hadda taasi dhicin .sidaas darteed madaxweyne waxaan kaa codsanayaa arintaas talaabo sharciga waafaqsan ka qaado ,taasoo aniga igu haysa culays weyne oo dhinaca qoyskayga iyo qaraabadayda ah,iina keentay caafimaad darro lasoo darista naftayda,anigana uu dulqaadkii igasii dhamaanayo mana rabo in sabab ka timiday xaggayga  ay galaafato dad aan waxba gaysan oo lagula kaco aargoosi taasoo muddo dheer aan anigu hortaagnaa sababtoo ah xilka qaranka aan u hayo dartiis,markaa madaxweyne dalkan adigaa xukumad ee ma xukunto UNDP ee hoos u eeg warqadda ku hortaalla ,oo ka turjumaysa dhibta isoo gaadhay ee xukunka aya hay’adaha garsoorku rideen waana arin xasaasi ah oo kamid masuuliyadaha qaranka aad u hayso .ugu dambayntii waxaan ku raji waynahay inaad codsigayga iyo go’aanka maxkamada saddexda darajo ah inaad meel mariso.

XariiradNews

Categories: Warka (News)