By McShariif

Waxaan Halkan xaalka siinayaa Tolkay Samaroon dhamaantii gaar ahaan Tolkay iyo walaalahayga HabarCafaan Samaroon kadib markaan akhriyay faalo kusoo baxday Maanta/Shalay websiteka Harowo.com ciwaankuna ahaa “Habar Cafaan Waa Hadhka Jibriir Yoonis”taasi oo lagu aflagaadaynaayo bel dhan oo Tolkay ah laguna xajiimaynaayo walaaltinimada,Wada dhalashada,Tolnimada iyo is dhexgalkaba bulshada run ahaantiina waxaa qorey qof xataa aan meelna kasoo galin tolkeen Jyoonis lkn aan u malaynaayo in uu yahay nin kusoo dhex korey/dhashay oo aan isagu is garaynin cida uu yahay.

Laakiin lagu yidhi waxaad tahay JYoonis kaliya cadhona hayso doonayana in Samaroon baaba’o,Hadaba Shaqsigan cunsuriyada doonaaya in uu kala dhex dhigo walaalaha HabarCafaan iyo JYoonsi jeclaadayna in ay kala shikiyaan beelo Ab” iyo Isir wadaagaa oo qarniyo ka hor soo wada noolaa siina wada noolaan doona qarniyo inta aduunka ka hadhay waxba ma yeeli karo cuqdad la miiro iyo qalin sumaysan toona waxaa bulshada ku dhex jira Xeeldheerayaal soo daawaday ruwaayado badan oo socon waayay heegana ugu jira bulshada Samaroon kana baadbaadin kara mixnadaha xun ee lasoo dersa,Nin doonaaya in dagaal ka dhex dhaco Samaroon ayaan u arkaa kana xun wada noolaanshaha guud,Qofka sameeya dambi isagay saamaysaa kunasoo noqotaa aakhirka,Cidii doonaysa inay maryo dhiig leh kala furtaan tolka wada dhashay ka yeeli mayno,Shaqsigan oo isku magacaabay Muuse Xasan Cali wuxuu ku gafay bulsho dhan oo ka mid ah Samaroon inay dabka kala qaadan waayaana doonaaya, ma taageersanin hadaan nahay inta jecel wanaaga Samaroon waanan ka xunahay hadaan nahay Tolka waxan uu soo qorey ninkan waa iska cuqdad haysa kaligii una gaar ah isaga kamana madhna isku dir iyo kala dil walaalaha Tolkeen ee maanta u baahan midnimo iyo isku kalsoonaan buuxda oo ka dhex dhalata maadaama ay yihiin bulsho maanta halis daaqaaya dhamaantood huuri qudhana wada saaran hadii ay badu ku kacdona si qudha isku badbaadin doona ama si qudha u wada qarqoomi kara.

Uma malaynaayo in laga xanqaadan doono mana istaahilo in dabaday loo jawaabo cidkastaana way ogtahay in Aduunku yahay maanta dimuqraadiyad cid cidkale gumaysan kartaa ma jirto,Qabiil qabaiil ku hoos noolna majiro horena umaysoo dhicin waxan uu ka sheekaynayaa xataa wax u egna hore umasoo dhicin waana been cad oo uu ka sheegaayo walaalaha iyo tolka wada dhashay,Samaroonkii hore qabiilkay doonaanba haka ahaadeene waxay ahaayeen dad jeclaa diinta dulmigana way necbaayeen waligoodba siday u dhacdaa in lasoo dulmay bulsho dhan…? Suurtagal matahay in Samaroon oo waligiiba ka dhawr sanaa xadgudubyada dagaalada jaarkiisana kulasoo dhaqmi jiray wanaag in ay dhacdo waxan iyo taariikhdan cuqdadu hadhaysay ee uu inooga sheekaynaayo ninkan bilaa macluumaad ka ahi.

Tolku waligiiba waxuu soo ahaa ul iyo diirkeed ee dhawaanahan ayaa lasoo dhex galay waanan ka xumahay in ay inagu dhex noolaadaan dad sidan oo kale ah oo ay ka suushay akhlaaqdii iyo anshixii banii aadanimo waanan ka xumahay in aan akhriyo maadaama aan jecelahay in aan subax kastaba helo wararka dalka Hooyo maadaama aan kayara durugsanahay wax yar,Mareegaha tayada lehna waa looga fiicanyahay in ay indhahaagu ku dhacaan waxa aan ahayn warar tayo leh iyo faalooyin laga faaiidaysto,Inta fidmoolayasha ah ee aan jeclayn horu marka tolka waa in aan iska qabanaa hadaan nahay Samaroon sabatoo ah guul kaa dheer inta la isku keen dhufanaayo sida qorahan oo kale oo adeegsanaaya weedho gaboobay oo lasoo minguurshayna nooga dhigaayo xaqiiq dhab ah iyo dhacdooyin lasoo maray.Tolkay Samaroon iyo HabarCafaan oo tolkay ahna waan ka raali galinayaa kumana taageersanin waxan waanan ka xumahay in lasoo daabaco maadaama wax aan ahayn cuqdad iyo caabuq laga faaiidaynin hanoolaado Samaroon iyo inta jecel midnimadooda.

Nooli kulantee

Mahammed Abdirahman Sharif

Categories: Jawaab