Waxaan halkaan ka salaamayaa dhamaan warbaahinta dhexdhexaadka ka ah arimaha Murugsan ee ka mid noqday nolasha dad-badan oo ku kala-nool daafaha dunidan maanta.

Intaa kadib waxaanu halkaan ku soo gudbinaynaa  qoraalo noqon doona kuwa taxana ah Haduu alla idmo kana  hadlaya ( Saboolnimada iyo Hodontinimada ) inagoo ku horeynayno Dhanka saboolnimada cuskanayana inaan laba jir caano waayin, lix jirna waxbarasho Waayin, labaatan jirna la’aasin, lixdan jirna caydhoobin. waxaan akhristow ku Bilaabayaa Gabaygii dardaaranka ahaa ee sayid maxamed cabdula xasan waana sidan

Doodna waxaan u leeyahay dumarkiyo caruurta

Dadkii idiinka weynaa hadday idin dulleeyeen

Dembi kama ay yaabine. cuntey idinka doorteen

Duunyaa la dhaafsaday dugsigaad galayseen

Dameerkuna ma yeeleen halkay talo ku daysteene

Dab intay shideen bay dalaq idinku siiyeen

Doox intay qodeenbay ciid idiinku daadsheen

Nin idiin damqanayaa idin kama dambeeyee

Haddaydaan digtoonaan daad baydin qaadiye

Duleeddada kufaartaa dacas idinku laynoo

Naf dalkaaga doonaysa firaash looma daadshee

Dabkaan aan shidayaa dawadiinna weeyee

Dariiqii rasuulkiyo dawga haka baydhina,

Aqristow maanta oo uu aadmiga sameeyay horumar aad u balaadhan. misna aad loo Hadal hayo jiritaanka duni noqotay tuula kaliya ( global village ), hadana waxaa la’ Odhankarayaa dadka ku nool adduunku wali fursad uma wada helin xubin ka noqoshada Tuuladaas, midhihii iyo hantidii laga helay caalamiyaynta dhaqaaluhuna dad kooban ayay Gacmaha u gashay. saboolnimada aadka u baahday ee gaadhay gun iyo baadhkuna waa Dhibaatooyinka ugu weyn ee aadmiga intiisa badan soo foodsaartay qarnigan,

Xaqiiqdiina maanta waxaanu ku nool nahay duni hodanku hodonnimo sii siyaadsanayo Saboolkuna saboolnimo, guud ahaana waxaan ku nool nahay duni hodan ku ah Mashaqooyinka laakiin sabool ka ah xal u helida.      

Xaalada saboolnimada aduunka  ayaa ah su’aal la’isweydiin karayo maxaa laga qabtay saboolnimada, maxaa laga qabtay shaqo la’aanta, maxaa laga qabtay sinnaan la’aanta. 

Hadii markaa saddexdaa arimood ay hoos uga dhacaan heerkii sare ee aay joogeen shaki la’aan waxaa la’odhan karayaa horumar ayaa la hiigsaday, balse hadii mid iyo labo gaar ahaan hadii ay  saddexduba kasii daraan   aqristow waad qiyaasi karaysaa halka geediga uu u hayaamay waa gaajadii iyo macaluushii labaxday ( Cago Barar )  oo kale ee ka dhacday deegaanada koonfur-galbeed ee soomaaliya horaantii 90 dii. tusaale ahaan maggaaladii ku caan baxday Beydhabo Janaay ayaa noqotay Maggaaladii Geeridda waxayna ahayd halka ugu badan ee uu ka soo go’o Hadhuudhka ama Masagada. waxaana ay dadka degan gobalka Bay ee xaruntiisuna tahay Baydhabo ku faanaan ( Madhayta iyo Mooro- Gaabay Lang Maale ya Seede ) micnuhuna waa Madhayta iyo Mooro-Gaabay nin Maal-Qabeena ayun baa Tagi karaya ama Dagi karaya,

ma garanayo qaab haan ku cabiri karayo muuqaaladaasi naxdinta lahaa eek u habsay dadkeyga soomaaliyeed hadaba waxaanu idiin soo gudbinayaa meerisyada soo socda oo uu tiriyay abwaan Mustafa sheeq cilmi waana sidatan.

Daaduunka gaajada wixii haan la daban deebnay

Lafo aan dub iyo harag lahayn daqaqamnee luudnay

Wixii ina daymoodaa saseen dayga arageena

Sidii duul qiyaamaha ka yimid dunida ay yaabtay

Annagoo dibjira oo lix qada oo diirmeen lugaheena

Dube noogu dhacay lacagtii sheega meesha lagu Duugay?..!!!

 

Aqristow waxaan qaybtan koowaad ku soo gabo-gabeynayaa xadiiskii nabiga( S.C.W ) ee ahaa( Ima Rumeyn Ruuxii Dhereg  ku Barya Dariskiisa oo Baahan )    

isha tixraac saboolnimada side looga baxaa W.Q. c/saciid cabdi ismaaciil

kolkaa lasoco qaybaha kale haduu alle idmo     by abroone

 

.