Tiibiidu(TB)Soomaalidaay, maaha tiif cudure

Tallaalkeedu waa noloshaan, Taabi laanahaye

Isticmaarkan Tamashlaynayaa, tuubo loo sudhaye

Gabayaagii weynaa ee caanka ahaa aadkana u mucjisada badnaa ee C/LAAHI SULDAAN- TIMA-CADDE (Raxmatullah Calayhi) ayaa tiriyay gabaygan soo socda. Timacadde wuxu gabaygan ku xusayaa sida soomaalidu qabiilka isugu disho halkii ay cadowgooda guud dhan uga soo wada jeesan lahaayeen. Hadday Soomaalidu taageeri lahayd SAYID MAXAMAD CABDULE XASAN(AUN), maanta halka ay joogto ma joogteen, waa sida aynu ka fahmi karno gabaygan isaga ah:

Tirtirsiinyo Soomaali waan, looga taag heline

Sayidkii Taleex degay marakay, turunturraynaysay

Haddaad maalintii taabacdaan, tani ma joogteene

Anaa kaa tol roon waa waxaad, u tariqi weydeene

Tawalleeye Binu-Aadamkii, taag darraan jiraye

Tulud Geela Awr roorsadaybaad, isu tumaatidiine

Todobaatan Alif baa ku lumay, ma i taqaanaaye

Cadaawa raggii tirin lahaa, waydinkaa tiraye

kelidey intaan tebey ka badan, tiryo dheeraade

Tiibiidu(TB)Soomaalidaay, maaha tiif cudure

Tallaalkeedu waa noloshaan, Taabi laanahaye

Isticmaarkan Tamashlaynayaa, tuubo loo sudhaye

Categories: Suugaan(Somali Literature), Warka (News)