Waa sawirka Maskaxdeena ku soo noq-noqonaya, ee waligii an ka go’aynin, ee ka mid ah dhawrka sawir ee dhawaan saxaafada Awdal innoo soo gudbiyeen ee ku saabsanaa, Aafooyinkii ka dhacay Awdal.

Bal Eegoo u fiirsadaay: Waa Hooyo reer Awdal ah, waa miskiin itaal daran, way madluunsantahay, miciinbay sugaysaa.  Waa Naflay ku nool Naflay. Sida ubadkooda oo kale ayay u ilaashadaan adhigooda. Neef yar oo adhi oo argagaxsan, oo kalidii usoo hadhay ayay ag fadhidaa, isna wuu eeganayaa iyadna way eeganaysaa, waa isku ehel iyo iriq. Odaygii iyo inankiina, dushay wax ka ilaalinayaan iyo aqalkoda itaalka daran. Cidna uma maqna Ceelna uma Qodna..

Waa Adduunyo Fidmoowdoo

Masiibooyinka Faafiyo

Ku fidayaan Aafooyinkuyoo

Intii Fiicnaydee wali

Faxshigeeda an galinna

Faasku uu ku dhacaayo

Kuwa Faaqayee kibree

Fuuray baase la leeyahay

Feejignaan ku qaatoo

Ficilkiinna Wanaajiya

Fidiya Gargaarkana

Fahmoo hadii kalana

Fallaar culusbaa iman

oo Daarahani Foociyo

Fooqaqa ad ku jirtiiniyo

Fatuurad celin karaynine

Bal Eegoo, U Fiirsadaay

HiilDanYare

Categories: Warka (News)

Tags: 103